सप्तरीमा बसको ठक्करबाट एम्बुलेन्स चालकको मृत्यु भएको छ।
शुक्रबार बिहान साढे ३ बजे शम्भुनाथ नगरपालिका-३ स्थित पूर्वपश्चिम लोकमार्गमा बसले एम्बुलेन्सलाई ठक्कर दिएको हो।
पूर्व जाँदै गरेको ना ६ ख ७८९२ नम्बरको बसले विपरीत दिशाबाट आउँदै गरेको स १ च ५५२ नम्बरको एम्बुलेन्सलाई ठक्कर दिएको हो।
ठक्करबाट सिरहा सुखिपुरका औषधी व्यवसायी अन्दाजी ४५/५० वर्षीय छेदीलाल कामतको मृत्यु भएको प्रहरी नायब उपरीक्षक माधवप्रसाद काफ्लेले जानकारी दिए। उनी एम्बुलेन्स चालक हुन्।
उनका अनुसार कमातको घटनास्थलमै मृत्यु भएको हो।
मृतकको शव पोष्टमार्टमको लागि रा.उ.स्मारक अस्पताल लहान लगिएको डिएसपी काफ्लेले बताए।
ठक्कर दिने बसलाई प्रहरीले नियन्त्रणमा लिएको छ। चालक अहिले फरार छन्। उनको खोजी गरिरहेको कार्यालयले जनाएको छ।