स्वास्थ्य तथा जनसङ्ख्या मन्त्रालयले खाली अक्सिजनका खाली सिलिन्डर अस्पताललाई उपलब्ध गराउन आह्वान गरेको छ। मन्त्रालयको अनुगमनका क्रममा धेरै सिलिन्डर खाली आफैं राख्ने गरेको पाइएकाले यस्ता खाली सिलिन्डर अस्पतालमा कोभिड-१९ का सङ्क्रमितको उपचारका लागि उपलब्ध गराउन अनुरोध गरेको हो।
मन्त्रालयका सहप्रवक्ता डा. समिरकुमार अधिकारीले अनुगमनका क्रममा सिलिन्डर खाली राख्ने र भरेर पनि भण्डारण गरेर राख्ने भएकोले उद्योग व्यवसायी र सरोकारवालाले त्यस्ता सिलिन्डर अस्पताललाई उपलब्ध गराउन अनुरोध गरेका हुन्।
अक्सिजन सिलिन्डरको सङख्या छ हजार २८८ रहेको र दैनिक एक हजार ४११.५ लिटर खपत भइरहेको जनाइएको छ। उनका अनुसार धेरैभन्दा धेरै सिलिन्डर भरी नागरिकको ज्यान बचाउनका लागि अस्पताललाई उपलब्ध गराउनु भनिएको छ।
मन्त्रालयले खाली र भरेर भण्डारण गरेको पाइएमा सङ्क्रामक रोग ऐन २०२० को आधारमा अनुगन गरी कारबाही गर्ने जनाएको छ। उनले सङ्क्रमितको उपचारका लागि अत्यावश्यक पर्ने अक्सिजन तथा अक्सिजन सिलिन्डर अझै पनि सरकारको निर्णय विपरीत धेरै उद्योगधन्दामा प्रयोग भइरहेको जनाएका छन्।
1620121959.jpg)
