सर्लाहीमा इँटाभट्टाले खनेको गाल्डोको पानीमा डुबेर एकैघरका दुई दाजुभाइको मृत्यु भएको छ।
प्रहरीका अनुसार बुधबार मलंगवा नगरपालिका-११ गम्हरियाका ८ वर्षीय रेआज अन्सारी र ६ वर्षीय नेआज अन्सारी छन्।
बिहान ११ बजे बाख्रा चराउन गएका दाजुभाइ पल्सी भन्ने ठाउँमा रहेको इँटाभट्टाले खनेको खाल्डोमा डुबेको सर्लाही प्रहरी प्रवक्ता प्रहरी नायब उपरीक्षक मदन कुँवरले बताए।
गर्मी भएपछि उनीहरू पौडी खेल्न भनेर खाल्डोमा पसेका थिए। डुबेको खबर बाख्रा चराउनै गएका अर्का बालकले गराएका थिए।
स्थानीय र इँटाभट्टामा कार्यरत् मजदुरले दुबै बालकलाई उद्धार गरी मलंगवास्थित जिल्ला अस्पतालमा लगेका थिए।
अस्पताल पुर्याउँदा दुबैको मृत्यु भइसकेको प्रहरी नायब उपरीक्षक कुँवरले बताए।
इँटाभट्टाका सञ्चालक जंगीलाल रायको खोजी भइरहेको कुँवरले बताए।
