चितुवाको छालासहित तीन जनालाई प्रहरीले पक्राउ गरेको छ।
काठमाडौं महानगरपालिका वडा नम्बर ९ विमानस्थल क्षेत्रबाट तीन जनालाई दुर्लभ चितुवाको छालासहित पक्राउ गरेको महानगरीय अपराध महाशाखाले जनाएको छ।
अवैध रूपमा छालाको बिक्री-वितरण गर्न लागेको सूचनाको आधारमा मंगलबार प्रहरी खटिएको थियो।
सो टोलीले नुवाकोट घर भई काठमाडौंको गोकर्णेश्वर बस्ने २८ वर्षीय विशाल तामाङ, ३२ वर्षीय विनोद तामाङ र चितवनका ४२ वर्षीय कामी सिंह स्याङ्तानलाई पक्राउ गरेको हो।
उनीहरूलाई प्रहरीले विमानस्थल क्षेत्रको सेकुवा कर्नरबाट पक्राउ गरेको हो।
उनीहरूबाट दुई फिट दुई इन्च लम्बाइ र ७ इन्च चौडाइ भएको छाला बरामद गरेको हो।
थप अनुसन्धानको लागि बुधबार जिल्ला वन कार्यालय काठमाडौं पठाएको छ।
