पर्साको पटेर्वासुगौली गाउँपालिका-२ चाफीमा शनिबार भएको दुर्घटनामा परी एक युवकको मृत्यु भएको छ।
बालुवा लोड गरिएको ना५त ४१०८ नम्बरको ट्याक्टरले च्यापिएर पटेर्वा सुगौली-२ रङ्गपुर बस्ने ३५ वर्षीय साबिर खानको मृत्यु भएको प्रहरीले जनाएको छ।
शव परीक्षणका लागि नारायणी अस्पताल वीरगञ्ज पठाइएको तथा घटनाबारे आवश्यक अनुसन्धान भइरहेको जिल्ला प्रहरी कार्यालय पर्साले जनाएको छ। रासस
