२१ तस्बिरमा हेर्नुहोस् वर्ष २०२१ लाई फर्केर हेर्दा

नवीनबाबु गुरूङ

काठमाडौं, पुस १७

अंग्रेजी वर्ष २०२२ मा नेपालमा धेरै राजनीतिक, सामाजिक तथा आर्थिक घटनाहरू भए।

प्रमुख राजनीतिक पार्टीका महाधिवेशन सम्पन्न भए। नयाँ नेतृत्व चयन भयो। कोरोनाविरूद्धको खोप सहज बन्दै गयो। विद्यालय उमेरमा बालबालिकादेखि वृद्ध-वृद्धासम्मलाई कोरोनाविरूद्धको खोप दिन सुरू गरियो।

बिस्तारै अर्थतन्त्रले लय समात्दै गयो। जात्रा-पर्वहरू मनाइए। बजारमा भिडभाड बढ्यो। पर्यटकको आवागमन हुन थाल्यो।

यो सँगै वर्ष २०२१ का २१ तस्बिरहरू हेर्नुहोस्

निषेधाज्ञामा देखिएको रानीपोखरी वरिपरीको दृष्य

बन्दाबन्दीको बेला सुन्दर देखिएको भक्तपुरको घ्याप्पे डाँडा जाने जंगलको बाटो।

खेत रोपाइँ चलिरहेको बेला ललितपुरको खोकना फाँटको दृष्य।

धादिङ र गोरखाको सिमानामा रहेको आरूघाट बजार। यो पुरानो बजार हाल बहुप्रतिक्षित बुढीगण्डकी जलविद्युत परियोजना निर्माण हुँदै गर्दा डुबानमा पर्ने देखिएको छ।

दीपावली साँझमा काठमाडौँमा रहेको त्रिभुवन विमानस्थल वरपरको दृष्य।

गत साउन २३ मा बालाजु औद्योगिक क्षेत्रमा रहेको नेविको विष्कुटको गोदाममा भएको आगलागीमा अग्नी नियन्त्रक नेपाल प्रहरीका जवान आफ्नो साथीलाई खाजाको रुपमा बिस्कुट खुवाउँदै।

जलवायु परिवर्तन र वातावरणमा परेको असारको विरोधमा केही समयअघि बसन्तपुरमा भएको विरोध सभामा उपस्थित एक युवती।

तराईवासीको महत्वपूर्ण पर्व छठमा अस्ताउँदो सूर्यलाई अर्घ दिनुअघि पानीमा डुबेकी एक श्रद्धालु।

सेनेटरी प्याडमा भएको मूल्य बृद्धि फिर्ताको माग गर्दै माइतीघर मण्डलामा विरोध प्रदर्शन गर्दै अभियन्ताहरु।

काठमाडौँको फर्पिङमा लसुन रोप्दै गरेको एक किसान दम्पती।

कोरोना भाइरस सङ्क्रमणका कारण ज्यान गुमाएका मानिसको पार्थिव शरीरलाई अन्त्येष्ठीको लागि आर्यघाटमा उतार्दै नेपाली सेना।

नेपाल बार एसोसियसनले प्रधानन्यायाधीश चोलेन्द्र शमशेर राणाको राजीनामा माग गर्दै सर्वोच्च अदालत अगाडि गरेको विरोध प्रदर्शन।

काठमाडौँको फर्पिङ्गमा खेत रोपाईं गरेर फर्कदै गरेको किसानहरु।

पशुपतिनाथ परिसरमा वाला चतुर्दर्शीको अवसरमा मानिसहरूले आफ्नो दिवंगत आफन्तको नाममा बागमती बगाएको बत्तिहरुको झिलिमिली।

काठमाडौंको नारायणटारमा ठेलामा आफ्नो बच्चासहित तरकारी बेच्न हिँडेका नानिवावु तामाङ। सँगै स्कुल हिँडेका दुई बालबालिका। उनले आफ्नो दुई बालवालिकालाई पनि राम्रो स्कुल पढाउने सपना देखेका छन्। हाल श्रीमतीलाई सहयोग होस् भनेर ठेलामा बच्चा लिएर तरकारी व्यापार गर्छन्।

गाईजात्राको अवसरमा काठमाडौंको वसन्तपुरमा निस्किएका एकजना तेस्रोलिंगी।

काठमाडौँको साँखुमा बारीबाट आलु खनेर बेच्न हिँड्दै गरेका किसानहरु।

केही समयअघि काठमाडौँको लैनचौर क्षेत्रमा देखिएको सवारी जाम

भर्खरै सम्पन्न तमु ल्होसारमा आफ्नो मौलिक नृत्य प्रस्तुत गर्दै एक गुरूङ युवती।

प्रकाशित मिति: शुक्रबार, पुस १६, २०७८ २०:०६

प्रतिक्रिया दिनुहोस्