गुल्मीमा बोलेरो जीप दुर्घटना हुँदा एक जनाको मृत्यु भएको छ। दुर्घटनामा सात जना घाइते भएका छन्।
दुर्घटनाका घाइतेमध्ये मुसिकोट नगरपालिका वडा नम्ब-–९ उर्लेनीका ५५ वर्षीय काले कामीको उपचारको क्रममा शुक्रबार राति साढे ११ बजे पाल्पामा मृत्यु भएको जिल्ला प्रहरी प्रमुख प्रहरी उपरीक्षक गोपालचन्द्र भट्टराईले बताए।
दुर्घटनामा मुसिकोट-९ कै २० वर्षीया सविना विक र ५४ वर्षीय सन्तविर विक, जीप चालक २७ वर्षीय शंकर परियार, ५८ वर्षीय रिखे विक गम्भीर घाइते रहेको प्रहरी उपरीक्षक भट्टराईले जानकारी दिए।
उनीहरूलाई जिल्लास्थित अस्पतालहरूमा प्रारम्भिक उपचारपछि थप उपचारका लागि पाल्पा रिफर गरिएको भट्टराईले बताए।
दुर्घटना घाइतेमध्ये बेहुला २१ वर्षीय प्रकाश विक र २० वर्षीया सबिना विकको पनि पाल्पामै उपचार भइरहेको प्रहरीले बताएको छ। २६ वर्षीया रमिला विक र १३ वर्षीय सुरेन्द्र विकको पनि पाल्पामै उपचार भइरहेको प्रहरीले जनाएको छ।
शुक्रबार साँझ साढे ५ बजेतिर मुसिकोट नगरपालिका वडा नं. ९ ददलकामा लु१च ७२९८ नम्बरको जीप दुर्घटनामा परेको थियो।
टोलबाट बेहुला-बेहुली तथा आफन्तसहित बाग्लुङको हरिचौरस्थित बेहुलीको माइती जाँदै थियो। पानी परेका कारण बाटो चिफ्लो भएकोले दुर्घटना भएको अनुमान प्रहरीको छ।
उनीहरू बिहेको दोस्रो दिन माइतीमा ढोगभेट फुकाउन भनेर जाँदै गर्दा दुर्घटनामा परेका थिए।
