कोरोनाको जोखिम बढेको भन्दै धनगढी उपमहानगरपालिकाले एक हप्ताका लागि अत्यावश्यक बाहेकका सेवा बन्द गरेको छ।
उपमहानगरपालिकाले एक सूचना जारी गर्दै बुधबारदेखि अत्यावश्यक बाहेकका सबै सेवा माघ १८ गतेसम्म बन्द रहने जानकारी गराएको हो।
कार्यालयका केही कर्मचारीहरूलाई कोभिड-१९ संक्रमण पुष्टि भएको र केही कर्मचारीलाई मिल्दोजुल्दो लक्षण देखा परेर आइसोलेसनमा रहेकोले सेवाग्राहीमा फैलने जोखिम बढेपछि सेवा बन्द गर्नुपरेको उपमहानगरपालिकाका प्रमुख प्रशासकीय अधिकृत रामलाल श्रेष्ठले बताए।
यस अवधिमा अत्यावश्यक स्वास्थ्य, सरसफाइ, दमकल र एम्बुलेन्स सेवा भने बन्द हुने छैनन्।