रौतहटमा मोटरसाइकल दुर्घटना हुँदा दुई जनाको मृत्यु भएको छ।
गरुडा नगरपालिका-४ मा बुधबार ११ बजे मोटरसाइकल दुर्घटना हुँदा दुई जनाको मृत्यु भएको जिल्ला प्रहरी कार्यालयका प्रहरी नायब उपरीक्षक सुनिल मल्लले जानकारी दिए।
उनका अनुसार ना ६२ प ३३९९ नम्बरको मोटरसाइकल अनियन्त्रित भई दुर्घटनामा परेको हो।
मृत्यु हुनेमा गढीमाई नगरपालिका-८ का १९ वर्षीय मोहम्मद अफताब आलम र २५ वर्षीय रवि साह छन्।
दुर्घटनापछि सुरूमा दुबै जना घाइते भएका थिए। उनीहरूलाई उपचारको क्रममा ग्रान्डी अस्पताल लैजाँदै गर्दा मृत्यु भएको थियो।
प्रहरीले घटनासम्बन्धी थप अनुसन्धान अघि बढाएको बताएको छ।
