मोरङको बेलबारीमा आफ्नै बुबाको हत्या गरेको आरोपमा प्रहरीले छोरालाई पक्राउ गरेको छ।
बेलबारी नगरपालिका-९ डाँगा बजारका ३५ वर्षीय जय बहादुर खत्रीलाई आफ्नै ८० वर्षिय बुबा दलबहादुरको हत्या गरेको आरोपमा प्रहरीले पक्राउ गरेको हो।
इलाका प्रहरी कार्यालय बेलबारीका अनुसार खत्रीले आफ्नो बुबालाई बुधबार राति करिब साढे १० बजे घाँटी थिचेर हत्या गरेका थिए।
प्रहरीका अनुसार मादक पदार्थ सेवन गरेका खत्रीले सामान्य घरायसी विवाद हुँदा आवेगमा आएर बुबाको घाँटी थिचेर हत्या गरेका हुन्।
प्रहरीले घटनाको थप अनुसन्धान गरिरहेको छ।