सेतोपाटी साताका क्लिक

सेतोपाटी फोटो टिम

संयोजकः नवीनबाबु गुरूङ

सेतोपाटी फोटो टिमले देशको राजनीति, समाज, कला, खेलकुद, घुमफिरलगायत क्षेत्रबाट छानिएका तस्बिरहरूको संगालो 'यो साताका क्लिक' मा प्रस्तुत गरेको छ।

आजको शृंखलामा हामीले वैशाख ३ देखि वैशाख १० गतेसम्म खिचिएका केही महत्वपूर्ण तस्बिर समेटेका छौं।

हेर्नुहोस् तस्बिरहरू

खाना पकाउने ग्याँसको अभाव भएको भन्दै हल्लाकै भरमा अनामनगरस्थित नेपाल ग्यासको डिपो अगाडि लागेको रित्ता सिलिन्डरको लाइन। तस्बिरः नवीनबाबु गुरूङ/सेतोपाटी

शुक्रबारदेखि सुरू भएको यसवर्षको एसईई परीक्षा दिन परीक्षा केन्द्रमा आफ्नो सिट प्लान हेर्दै विद्यार्थीहरू। तस्बिरः नवीनबाबु गुरूङ

जावलाखेलस्थित सदर चिडियाखानामा सर्वसाधारणलाई अवलोकनका लागि पहिलो पटक शुक्रबार राखिएको चम्पा (पोथी) र चिम्पु (भाले) नाम गरेको एक जोडी चिम्पाञ्जी। तस्वीरः नवीनबाबु गुरूङ/सेतोपाटी

काठमाडौंको कमलपोखरीमा ज्याकरण्डा फूलसँग रमाउँदै विद्यार्थीहरू। तस्बिरः नवीनबाबु गुरूङ/सेतोपाटी

नेकपा एमालेले शुक्रबार स्थानीय तह निर्वाचनको घोषणा पत्र सार्वजनिक कार्यक्रममा अध्यक्ष केपी शर्मा ओली र सुरेन्द्र पाण्डे। तस्बिरः नवीनबाबु गुरूङ/सेतोपाटी

सर्वोच्च अदालतको आदेशपछि बुधबारबाट काममा फर्किएका नेपाल राष्ट्र बैंकका गभर्नर महाप्रसाद अधिकारीलाई कार्यालयमा स्वागत गर्दै कर्मचारीहरू। तस्बिरः नवीनबाबु गुरूङ/सेतोपाटी

हरेक वर्ष वैशाख ४ गते काठमाडौंको हाडीगाउँस्थित गहना पोखरीमा तिसा मालेगु जात्रा (गहना खोज्ने जात्रा)मा अजिमा (टुँडालदेवी माई)को जात्रा गरिदै गुठीयार तथा स्थानीय । तस्वीरः नवीनबाबु गुरूङ/ सेतोपाटी

काठमाडौंको नेपाल आर्ट काउन्सिल, बबरमहलमा भइरहेको भ्रष्टाचारविरूद्ध राखिएको एउटा कार्टुन। तस्बिरः नवीनबाबु गुरूङ/सेतोपाटी

मेघौलीको न्यूरेचोक नजिकैको स्यालबास पोस्टअगाडि नारायणी नदीमा पौडिरहेको डल्फिन। तस्बिर सौजन्य: राजिव कुमाल।

बिहिबार ललितपुरको सगरमाथा अक्सिजन ग्यास प्लान्टमा विष्फोट हुँदा दुई जनाको ज्यान गएको छ भने ७ जना घाइते भएका छन्। तस्बिरः निशा भण्डारी

तीन दिने नेपाल भ्रमणमा आएका विश्व स्वास्थ्थ स‌ंगठन (डब्लुएचओ) का महानिर्देशक डाक्टर टेड्रोस अधानोम गेब्रेयसस। तस्बिरः नवीनबाबु गुरूङ/सेतोपाटी

प्रकाशित मिति: शनिबार, वैशाख १०, २०७९ ०५:२७

प्रतिक्रिया दिनुहोस्