राजस्व छलीका छालाका पेटी र पर्ससहित एक जना पक्राउ परेका छन्।
काठमाडौं महानगरपालिका वडा नम्बर १८ नरदेवीबाट एक जनालाई पक्राउ गरेको काठमाडौं उपत्यका अपराध अनुसन्धान कार्यालयका प्रहरी उपरीक्षक कृष्ण कोइरालाले जानकारी दिए।
प्रहरीले सप्तरी राजविराज नगरपालिका-४ घर भई काठमाडौंको ठँहिटी बस्ने ४२ वर्षीय गणेश भगतलाई पक्राउ गरेको हो।
उनले राजश्व छलेर गैरकानुनी रूपमा सामानहरू लुकाएर राखेको भन्ने सूचना प्रहरीले पाएको थियो।
सो सूचना पाएपछि खटिएको टोलीले सोमबार उनलाई पक्राउ गरेको हो। उनीबाट एक हजार ९०६ थान पेटी र ५ हजार २९४ थान पर्स बरामद गरेको हो।
भगतमाथि थप अनुसन्धान तथा कारबाहीको लागि त्रिभुवन अन्तराष्ट्रिय विमानस्थल भन्सार कार्यालय, गौचरमा पठाएको छ।
