डोटीमा एक महिलालाई जबरजस्ती करणी गरेको अभियोगमा ७७ वर्षीय पुरुष पक्राउ परेका छन्।
जोरायल गाउँपालिका –२ डाँडाखालीका ७७ वर्षीय श्रीधर भण्डारीलाई बुधबार दिउँसो प्रहरीले पक्राउ गरेको हो।
श्रीधरविरूद्ध २४ वर्षीय महिलालाई ललाइफकाई घर नजिकैको सामुदायिक वनमा लगेर जबरजस्ती करणी गरेको भन्ने उजुरी परेको प्रहरीले जनाएको छ।
इलाका प्रहरी कार्यालय बुडरबाट खटिएको प्रहरीले श्रीधरलाई पक्राउ गरेको हो। घटनाबारे प्रहरीले आवश्यक अनुसन्धान गरिरहेको जनाएको छ।
