कञ्चनपुरमा मोटरसाइकल र ट्याक्टर ठोक्किँदा मोटरसाइकल चालकको मृत्यु भएको छ।
मृत्यु हुनेमा बेदकोट नगरपालिका–९ दैजीका २७ वर्षीय सुकराम राना छन्।
उनको सोमबार बेलौरीस्थित इशान मेमोरियल अस्पतालमा उपचारको क्रममा मृत्यु भएको जिल्ला प्रहरी कार्यालय कञ्चनपुरका डिएसपी चक्र शाहले जानकारी दिए।
उनका अनुसार आइतबार साँझ चानदेउबाट बेलौरीतर्फ जाँदै गरेको से ७ प ५३८४ नम्बरको मोटरसाइकल र नम्बर नखुलेको ट्याक्टर ठोक्किएका थिए।
ठक्कर दिने ट्याक्टर चालक फरार छन्।
ट्याक्टर चालकको खोजी भइरहेको डिएसपी शाहले बताए।
मृतकका आफन्तले ट्याक्टर चालकलाई पक्राउ गर्नुपर्ने भन्दै सोमबार दिउँसो पुर्वपश्चिम राजमार्ग बन्द गरेका थिए।