क्रिकेटर धोनीलाई ‘क्याप्टेन कुल’ उपनामले पनि चिनिन्छ। मैदानमा जस्तो तनाव हुँदा पनि कहिले आफ्नो आवेग नगुमाउने कप्तानको रूपमा उनको परिचय छ।
तर बिहिबार धोनीको यो छवि भंग भएको छ। राजस्थान रोयल्स विरूद्धको म्याचमा उनले आफ्नो होश मात्र गुमाएनन, मैदान भित्रै छिरेर अम्पायरसँग विवादसमेत गरे। भलै उनको विवाद र घुसपैठका बाबजुद अम्पायरले आफ्नो पूर्वनिर्णय बदलेनन्।
जयपुरमा खेलिएको यस म्याचमा चेन्नई सुपर किङ्सलाई जितका लागि अन्तिम ओभरमा १८ रन आवश्यक थियो। यसक्रममा पहिलो ३ बलमा १० रन बनेपछि धोनी बेन स्टोक्सबाट आउट भए। त्यसपछि मैदानमा दर्शकहरूले कहिले नदेखेको दृश्य पहिलोपटक देखें।
यस ओभरमा स्टोक्सले चौथो बल फुलटस फ्याँके। यस बलमा चेन्नईका ब्याटसम्यान मिचेल सैंटनरले दुई रन लिए। रन लिएपछि सैंटनरले रविन्द्र जडेजालई बल कम्मरमाथि रहेकाले ‘नो बल’को माग गर्ने सुझाए। अम्पायरले सो अपिल अस्वीकार गरे तर जडेंजा आफ्नो मागमा अडिग रहे र अम्पायरसँग बहस गर्न थाले।
यस क्रममा जडेजाले यस्तो कप्तान धोनीको सहमतिमा गरेको देखियो। बाउन्ड्री बाहिर रहेका धोनी अत्याधिक क्षुब्ध देखिन्थे। उनी त्यहीबाट ‘नो बल’ मागिरहेका थिए तर अम्पायर आफ्नो निर्णयमा अडिग रहे।
त्यसपछि रिसाएका धोनी मैदान नै प्रवेश गरे र बहस गर्न थाले। धोनीले अम्पायरसँग विवाद गरिरहेपछि स्टोक्स उनीहरूको नजिक पुगे। यसपछि धोनी र स्टोक्सले एकअर्कासँग कुरा गरे। अम्पायरसँग विवाद गरेका धोनीको यो कुराकानी भने झगडा जस्तो देखिएन।
यसका बाबजुत अम्पायरले चेन्नईलाई ‘नो बल’दिएनन्।
यसपछि धोनी मैदान बाहिर आए। बाँकी दुई बलमा मिचेलले क्रमशः २ र छक्का प्रहार गर्दै टोलीलाई जित दिलाए।
