लगातार ६ म्याच हारेको विराट कोहलीको कप्तानीमा रहेको रोयल च्यालेन्जर्स बेङ्लोर शनिबार ‘गर या मर’को म्याचमा किङ्स इलेभेन पंजाबसँग भिड्दैछ।
लगातारको हारका कारण विराटको कप्तानीलाई लिएर प्रश्नहरू खडा हुन थालेको छ। उनको चर्को आलोचना भइरहेको छ।
यस्तैमा एक विज्ञापनमा मस्ती गर्दै गरेको देखिएपछि कोहलीलाई उनका फ्यानहरूले सामाजिक संजालमा कटाक्षको वर्षात गरेका छन्।
कोहलीले आफ्नो आधिकारिक इम्स्टाग्राममा आफूले खेलको नयाँ विज्ञापनको तस्वीर पोस्ट गरेपछि उनलाई कटाक्षहरू प्रहार भएको हो।
‘उर्जामा हमेशा अगाडी रहन’ फोटो पोस्टमा कोहलीले लेखेका छन्। प्रशसंकहरूले उनको यसै भनाइलाई लिएर कटाक्ष र व्यंग्य कसेका हुन्।
‘भाइ थोरै आईपिएलमा पनि ध्यान दिए हुने’, एक फ्यानले कमेन्ट गरेका छन्। त्यस्तै अर्का एकले ‘म्याच त एउटा पनि जितिएको छैन तर सारा विज्ञापन गर्ने?’ लेखेका छन्।
विराटका एक प्रशंसकले ‘आरसिबीले कहिले जित्छ? अब त हामी पनि ट्रोल बनाउन नसक्ने भइसक्यौ’, समेत लेखेका छन्।
यस्तै अर्का एकले ‘पैसा, पैसा मात्र पैसा? म्याचको त के छ र... त्यो त हार्नका लागि खेल्छौ’ लेखेका छन्।
अनि अर्का फ्यान यस्तो लेख्छन्, ‘म्याच जिताइ देऊ न भाइ...साथीहरूको सामुन्ने नाम खराब भइसक्यो।’
आरसिबीका लागि यो सिजन म्याच संख्या बढ्दै जाँदा झनझन बिर्सनलायक बन्दै गइरहेको छ।
पछिल्लो म्याचमा ऊ दिल्ली क्यापिटल्ससँग पराजित भएको थियो। अब आरसिबीलाई फ्लेअफमा कायम रहन लगातार ८ म्याच जित्ने पर्ने अवस्था छ नत्र यसपटकको उपाधि चाहाना यसै रहनेछ।
