जारी सिजनमा पहिलो जित हासिल गरेसँगै रोयल च्यालेन्जर्सका विराट कोहली र एवी डिविलियर्सले साझेदारीको मामिलामा नयाँ मुकाम बनाएका छन्।
उनीहरूले आजसम्म २ हजार ७ सय ८८ रनको साझेदारी गर्दै आईपिएलको इतिहासमा सर्वाधिक रनको साझेदारी गर्ने कीर्तिमान बनाइएका हुन्। शनिबार किङ्स इलेभेन पंजाबविरूद्धको म्याचबाट यो कीर्तिमान बनाएका हुन्।
यसअघि यो कीर्तिमान कोहली र क्रिस गेलले मिलेर बनाएका थिए। उनीहरूले २ हजार ७ सय ८७ रनको साझेदारीमा सो कीर्तिमान बनाएका थिए।
यसका अलावा यो सुचिको तेश्रो नम्बरमा डेविड वार्नर र शिखर धवनको जोडी रहेको छ। यस्तै चौथो नम्बरमा गौतम गंभीर र रोबिन उथप्पा छन्। उनीहरूले १ हजार ९ सय ६ रन बनाएका छन्।