जारी आईपिएलबाट विराट कोहलीको कप्तानीमा रहेको रोयल च्यालेन्जर्स प्लेअफबाट बाहिरिएको बताइए पनि उसको अंकगणितिय सम्भावना कायम रहेको छ।
भलै, यो यात्रा उसका लागि कठिन छ। आईपिएलमा पुछारको टोली माथि उक्ल्दै प्लेअफ पुगेको इतिहास छ। मुम्बई यसको उदाहरण हो। त्यस्तै बेङ्लोरको प्रसंगमा नहोला भन्न सकिन्न।
हाल लिगमा १४ अंक जोडेर चेन्नई शीर्ष स्थानमा रहेको छ। विराटको टोलीले ८ म्याचमा केबल एक म्याच जितेको छ। अब, यदि चेन्नईले सारा म्याच हारेमा र विराटको टोलीले सबै म्याच जितेमा दुबै टोलीको अंक बराबर हुनेछ। यसका अलावा विराटको टोलीले रनरेटमा पनि राम्रो गर्नुपर्नेछ।
लिगमा दिल्ली र मुम्बई १० अंकसहित क्रमश: दोश्रो र तेश्रोमा रहेका छन्। यी टोलीलाई बेङ्लोरबाट अगाडी रहन ६ म्याचमा केवल ३ जितको आवश्यक्ता छ। उनीहरूसँगै चेन्नईले एक मात्र म्याच जितेमा पनि बेङ्लोर पछि पर्नेछ। यस्तो अवस्थामा बेङ्लोरलाई कोलकाता, राजस्थान, हैदराबाद तथा पंजाब भन्दा अगाडी आउनुपर्नेछ।
चौथो स्थानमा आउन बेङ्लोरलाई कोलकाता, पंजाब, हैदराबाद तथा राजस्थानलाई पछि पार्न सजिलो अवस्था हुनेछैन। कोलकाता र पंजाबले ८ म्याचबाट ८ अंक जोडेका छन्। यी टिमले बेङ्लोरलाई पछि पार्न केवल चार म्याच जित्नुपर्नेछ। उनीहरूलाई पनि ६ मा ४ म्याच जित्न त्यति सजिलो छैन्। यदि त्यस्तो नभएमा बेङ्लोर चौथो स्थानको नजिक आउनसक्छ।
यसैगरी माथिका समिकरणका अलावा हैदरबाद र राजस्थानको कमजोर प्रदर्शनले पनि बेङ्लोरलाई सहयोग पुग्न सक्छ। लिगमा हैदराबाद र राजस्थानको क्रमश: ६ र ४ अंक रहेको छ।
यसको मतलब बेङ्लोरलाई पछि पार्न हैदराबादले बाँकी ७ म्याचमा चार तथा राजस्थानलाई सात म्याचमा पाँचमा जित हासिल गर्नुपर्छ। राजस्थान मंगलबार पंजाबसँग हारिसकेकाले अब उसले ६ मा म्याचमा ५ मा जित निकाल्नुपर्नेछ। यस अवस्थामा राजस्थानलाई पनि बेङ्लोरको जस्तै कठिन अवस्था छ। यस्तोमा भाग्य बलियो भएमा चौथो स्थानका लागि उसको प्रतिष्पर्धा राजस्थान र हैदराबादसँग हुनेछैन।
यस अवस्थाले बेङ्लोरको प्लेअफको यात्रा कोलकाता र पंजाबको प्रदर्शनमा भर पार्नेछ। यी दुबै टोलीले मे ३ मा एकअर्कासँग खेल्नेछन्। यस्तोमा एकको जित पक्का छ भने एकको हार। त्यसमा विजयी हुने टोलीले कम्तिमा पाँच म्याचमा दुई म्याच जित्नुपर्ने हुन्छ। यदि यो पनि नभएमा दोश्रो टोलीले बाँकी पाँच म्याचमा ३ म्याच जितेन भने बेङ्लोरको प्लेअफको सम्भावना पुन: जिउँदो हुनेछ।
योसँगै बाँकी ६ म्याचको जितलेमात्र बेङ्लोरलाई प्लेअफको यात्रा सहज हुनेछैन। उसले राम्रो रनरेट पनि बनाउनुपर्नेछ। उसको रनरेट कोलकाता र पंजाबको भन्दा राम्रो हुनु जरूरी छ। यसक्रममा रनरेटमा हैदराबादसँग पनि बेङ्लोरको प्रतिष्पर्धा हुन सक्छ। यस्तोमा प्रश्न उठ्नसक्छ के बेङ्लोरका लागि यो सम्भव छ?
यीसँगै प्लेअफ यात्राका लागि बेङ्लोर पक्षमा अरू समिकरण पनि सहायक हुनसक्छ। आउँदो विश्वकपको लागि आईपिएलका राम्रा विदेशी खेलाडी राष्ट्रिय प्रशिक्षणका लागि सम्बन्धित देश फर्किनेवाला छन्। यसको सबैभन्दा ठूलो नोक्शानी हैदराबादलाई हुनेछ। उसको टोलीबाट डेविड वार्नर र जोनी बेयरस्टाको जोडी बाहिर हुनेछ भने कप्तान विलियम्स पनि बाहिर गएमा नौलो हुनेछैन्।