नयाँ कप्तान स्टीव स्मिथको कप्तानीमा उत्रेको राजस्थान रोयल्सले शनिबार सम्पन्न आईपिएलमा मुम्बई ईण्डियन्सलाई ५ विकेटले पराजित गरेको छ।
राजस्थानको जितमा स्टीवको कुशल कप्तानी र अर्ध-शतकिय योगदान सहायक रह्यो। राजस्थानले हिजोबाट सट्टा स्टीवलाई कप्तानी सुम्पेको छ।
स्टीवले हिजोको खेलमा ४८ रनमा ५९ रनको पारी देखे। उनले रियान परागसँग मिलेर ७० रनको साझेदारी गरेका थिए। राजस्थानले १९.१ ओभरमा पाँच विकेटको नोक्सानीमा १६२ रन बनाएर जित हासिल गर्यो। यस जितमा सन्जु स्यामसनले १९ बलमा ३५ रनको योगदान दिएका थिए।
पहिले ब्याटिङ गरेको मुम्बईले पाँच विकेटको क्षतिमा १६१ रन बनाएको थियो।
राजस्थानका लागि श्रेयस गोपालले २ विकेट लिदां जयदेव उनादकट,स्टुअर्ट बिन्नी र जोफ्रा आर्चरले समान १-१ विकेट लिएका थिए ।
राजस्थानको ९ म्याचमा यो तेश्रो जित हो। उसले दुई खेलमा लगातार मुम्बईलाई पराजित गर्यो। हारसँगै मुम्बईले शीर्ष स्थानमा उक्लने मौका गुमायो।
राजस्थानको जितमा उसका ३ बलरहरू श्रेयस गोपाल, जोफ्रा आर्चर र स्टुअर्टको भूमिका महत्वपूर्ण रह्यो। उनीहरूले क्रमशः २ तथा १-१ विकेटको योगदान दिए।
मुम्बईका लागि ओपनर क्विन्टन डी ककले ६५ रन बनाए । डी ककले ४७ बलमा ६ चौका र २ छक्का प्रहार गरे । कप्तान रोहित शर्मा ५ रनमा आउट भए।
सूर्यकुमार यादवले ३३ बलमा १ चौका र छक्का प्रहार गर्दै ३४ रन जोडे ।
त्यस्तै काईरन पोलार्ड १०,हार्दिक पान्ड्या २३ रन बनाए भने कटिङ १३ र क्रुणाल पान्ड्या २ रनमा नटआउट रहे । राजस्थानका लागि श्रेयस गोपालले २,जयदेव उनादकट,स्टुअर्ट बिन्नी र जोफ्रा आर्चरले १-१ विकेट लिए ।
