जारी आईपिएलमा शनिबार सम्पन्न खेलमा नेपाली युवा बलर सन्दीप लामिछानेले उत्कृष्ट प्रदर्शन गरे।
उनले लिएका महत्वपूर्ण ३ विकेट दिल्ली क्यापिटल्सको जितमा महत्वपूर्ण बन्यो। पछिल्ला २ खेलमा दिल्लीको अन्तिम ११ मा नपरेका सन्दीपले शनिबार पंजाब विरूधको खेलमा ४० रन खर्चदै ३ विकेट लिन सफल भए ।
दिल्लीले अलराउण्डर किमो पलको ठाउँमा हिजो बलिङका लागि उतारेको थियो।
उनले हिजो चार ओभर नै बलिङ गरे।
दोश्रो ओभरमा बलिङमा आएका सन्दीपको पहिलो बलमा पंजाबका केएल राहुलले छक्का प्रहार गरे। दोश्रो बल डट बनाएका सन्दीपलाई राहुलले तेश्रो बलमा चौका प्रहार गरे। चौथो बलमा भने राहुल १२ रन बनाउँदा विकेटकिपर ऋषभ पन्तबाट स्ट्म्पिङ भए। यस्तै पाँचौ बलमा मयंकलाई डट फाले भने छैटौं बलमा मयंकले १ रन लिए।
त्यसपछि खेलको चौथो ओभरको पहिलो ओभरमा क्रिस गेलले सन्दीपको बलमा चौका जोडे, दोश्रो बल डट भयो भने तेश्रो पुनः गेलले चौका प्रहार गरिदिए। यस्तै पाँचौ बल फेरि डट गराएका सन्दीपले छैटो बलमा गेललाई फेरि चौका दिए। यो ओभर उनका लागि महँगो सावित भयो।
चौथो ओभरमा महँगो साबित भएका सन्दीपले त्यसको भरपाई खेलको १२ ओभरमा २ विकेट लिदैं पुर्ति गरे।
उनको पहिलो बलमा गेलले छक्का प्रहार भने दोश्रो बलमा उनले गेललाई बाउण्ड्री लाइन नजिकै अक्षर पटेलको हातबाट क्याचआउट गराए। गेल क्याच भएसँगै दिल्लीका लागि खतराको सूचक बनिरहेका गेलबाट दिल्लीले राहत पायो। उनले त्यसपछिका लगातार ३ बल डट बल फ्याँके भने अन्तिम बलमा साम करनलाई आफैले क्याच गरेर पेभेलियनको बाटो देखाइदिए।
यसपछि खेलको १५ औं ओभरमा बलिङ गर्न आएका सन्दीपको पहिलो बलमा पंजाबका मन्दीपले १ रन लिए। दोश्रो बलमा आश्विनले चौका प्रहार गरे। तेश्रो बल डट गराएका उनले चौथो बलमा १ रन दिए भने पाँचौमा फेरि डट फ्याँक्दै अन्तिम बलमा मन्दीपलाई १ रन दिएर आफ्नो ओभर समापन गरे।