मंगलबार हैदराबादलाई ६ विकेटले पराजित गर्दै चेन्नई पुनः आईपिएलको शीर्ष स्थानमा फर्कियो।
टोलीको जितमा ओपनर शेन वाटसनले प्रमूख भूमिका निभाए। जितसँगै चेन्नई प्लेअफमा पुग्ने पहिलो टोली बन्यो। टोलीको जितमा वाट्सनले ९६ रनको महत्वपूर्ण पारी खेले।
खेलपछि धोनीले वाट्शनको खुलेरै तारिफ गरे।
‘उनी एक महान ब्याट्सम्यान हुन् र उनी लगातार नेटमा अभ्यास गरिरहेका थिए’, धोनीले भने , ‘उनले टोलीलाई जिताउन हमेशा महत्वपूर्ण भूमिका निभाउँदै आइरहेका छन्। वाट्शन हाम्रा लागि एक म्याच जिताउने खेलाडी हुन्, अहिलेसम्म उनी आफ्नो पारीका लागि संघर्षरतः थिए तर सहि समयमा आफ्नो फममा फर्किएका छन्।’
धोनीले चेन्नईको टिम व्यवस्थापनले उनलाई धेरै भन्दा धेरै म्याच खेल्न दिएर उनको आत्मविश्वास जगाउने सोचेको पनि खुलासा गरे।
उनले टोलीका सबै खेलाडीले महत्वपूर्ण भूमिका निभाउँदै आएको धोनीले बताए।
त्यस्तै उनलाई टोलीको निरन्तरको सफलताको राजका बारेमा प्रश्न सोधिएपछि धोनीले त्यो एउटा रहस्य भएको र त्यसलाई नखोल्ने बताए।
‘यदि मैले टोलीको जितको रहस्य खोले भने मलाई कसैले पनि किन्दैन र कुनै फ्रान्चाइजीले महत्व दिनेछैनन्। यो एउटा रहस्यको कुरा हो’, धोनीले भने, ‘केहि दिनमा अवकाश लिनेछु, त्यसैले अरू खुलासा गर्न सक्दिन किनकी विश्वकप आइसकेको छ र म चनाखो हुनुपर्छ।’