पाकिस्तानका स्टार क्रिकेटर शाहिद अफ्रिदीले आफ्नो एक झुटको बारेमा खुलासा गरेका छन्।
उनले आफ्नो आत्मकथा ‘गेम चेन्जर’मा आजसम्म आफ्नो वास्तविक उमेर लुकाउँदै आएको खुलासा गरेका हुन्। उनका अनुसार आधिकारिकरूपमा दर्ता गरिएको उमेर वास्तविक उमरभन्दा २ वर्ष कम रहेको छ।
आत्मकथामा उनले आफ्नो जन्म सन् १९७५ मा भएको जनाएका छन् जबकी आधिकारिक दस्तावेजहरूमा उनको जन्म वर्ष १ मार्च सन् १९८० रहेको छ। किताबमा उनले जन्म वर्षको बारेमा खुलासा गरे पनि महिना र तारिखको बारेमा भने केहि उल्लेख गरेका छैनन्।
उनको यस खुलासाले हालसम्म गलत उमेर बताउँदै क्रिकेट खेलेको पुष्टि भएको छ।शाहिदले देशका लागि कुल ३९८ वान डे, ९९ टी-२० तथा २७ टेस्ट म्याच खेलेका छन्।
उनले सन् १९९० मा अन्तरष्ट्रिय क्रिकेटमा डेब्यू गरेका थिए। त्यतिबेला उनको उमेर १६ वर्ष रहेको बताइएको थियो।
‘म दस्तावेजहरूमा १९ वर्षको नभइ १६ वर्षको थिए। मेरो जन्म १९७५ मा भएको हो। मेरो जन्म दर्तामा गलत जन्ममिति लेखिएको छ’, आत्मकथामा उनले लेखेका छन्।
शाहिदको यस बयानले फेरि अर्को एउटा अस्पष्टता प्रस्तुत गरेको छ। उनको जन्म मिति सन् १९७५ लाई मान्दा क्रिकेट डेब्यू गर्दा उनको उमेर २०-२१ हुन्छ तर किताबमा उनले १९ वर्षको थिएँ भनेका छन्।
शाहिदको यस खुलासाले आजसम्म उनले आफ्नो उमेरलाई किन लुकाए भन्ने प्रश्न उठेको छ। अब आफ्नो वास्तविक उमेरको खुलासा उनी आफैले गरेपछि अन्तराष्ट्रिय क्रिकेट काउन्सिल(आइसिसी)ले उनका बारेमा के फैसला गर्छ। उनले २०१६ को टी-२० क्रिकेट विश्वकप पछी सन्यास लिएका थिए।
