आफ्नो तेश्रो खेलमा आयोजक इङ्ल्याण्डले बंगलादेशलाई १०६ रनको विशाल अन्तरले पराजित गरेको छ।
टस हारेर पहिले ब्याटिङ गरेको इङ्ल्याण्डले निर्धारित ओभरमा ३८६ रन बनाएको थियो। इङ्ल्याण्डको यस जितमा जेसन रोयले १५३ रनको विस्फोटक पारी खेले। यसगरी जोनी बेयर्सटोले ५१ तथा जोस बटलरले ६४ रनको पारी खेले।
कार्डिफको सोफिया मैदानमा जवाफी ब्याटिङमा आएको बंगलादेश ४८.५ ओभरमा अलआउट हुँदै २८० रनमा समेटियो।
इङ्ल्याण्डका लागि जोफ्रा आर्चर र बेन स्टोक्सले समान ३-३ विकेट लिए। उनीहरूका अलावा मार्क वुडले २ विकेट लिए भने लियाम प्लंकट र आदिल राशिदले १-१ विकेट लिए।
बंगलादेशका लागि शाकिब अल हसनले सर्वाधिक १२१ रनको योगदान दिए। यसैगरी मुशफिकुर रहीमले ४४, मेहमुदुल्लाहले २८ तथा निसाद्दक हुसैनले २६ रनको मात्र योगदान दिन सके।