इङ्ल्याण्डमा जारी आईसिसी एक दिवसीय विश्वकप क्रिकेटको चौथो खेल पनि वर्षाले प्रभावित भएको छ। बिहिबार हुने भनिएको भारत र न्यूजिल्याण्डबीचको खेल वर्षाका कारण रद्ध भएको छ।
हिजोको खेल टससमेत नभई रद्ध भएको हो।
खेल रद्ध भएसँगै दुबै टोलीले १-१ अंक बाँडेका छन्।
जारी विश्वकपको अंक तालिकामा न्यूजिल्याण्ड ४ खेलबाट ७ अंक बटुल्दै शीर्ष स्थानमा रहेको छ भने सबै खेल हारेको अफगानिस्तान खेले ३ खेलमा शतप्रतिशत पराजयसहित शून्य अंकसहित सबैभन्दा पुछारमा रहेको छ।
त्यस्तै न्यूजिल्याण्डसँग बिहिबारको खेलमा अंक बाँडेको भारतले ३ खेलबाट २ मा जित र १ मा बराबरी गर्दै ५ अंकका साथ अंकतालिकाको तेश्रो स्थानमा रहेको छ।
दोश्रो स्थानमा ६ अंकसहित अस्ट्रेलिया रहेको छ। उसले यो अंक ३ जित र १ हारबाट जोडेको हो। त्यस्तै चौथो स्थानमा आयोजक इङ्ल्याण्ड रहेको छ। १ हार बेहोरेको उसले २ जितबाट ४ अंक छ।