मंगलबार छातिमा पीडा महसुस भएपछि अस्पताल भर्ती भएका वेस्ट इण्डिजका महान ब्याटसम्यान ब्रायन लारा बुधबार अस्पतालबाट डिस्चार्ज भएका छन्।
अस्पतालले उनलाई 'फिट' घोषित गर्दै डिस्चार्ज गरेको हो।
५० वर्षिय लारालाई जिम गरिरहँदा छातिमा पीडा महशुस भएपछि मुम्बई स्थित ग्लोबल अस्पतालमा भर्ना गरिएको थियो।
'सबैलाई म ठीक रहेको बताउन चाहन्छु। भोलि आफ्नै होटलको कोठामा पुग्नेछु', मंगलबार लाराले भनेका थिए।
जारी विश्वकपमा एक टेलिभिजन च्यानलमा विश्लेषकको भूमिकाका लागि लारा यतिबेला भारतमा छन्।