जारी विश्वकप क्रिकेटमा बिहिबार भएको खेलमा भारतले वेस्ट इण्डिजलाई १२५ रनले पराजित गरेको छ।
भारतले दिएको २६९ रनको लक्ष्य पछ्याउने क्रममा वेस्ट इण्डिज ३४.२ ओभरमा १४३ रन बनाउँदा अलआउट भएको थियो।
हिजोको खेलमा क्रिस गेल र शाई होप मात्र ६ र ५ रनको न्यून स्कोरमा आउट भए। तेश्रो विकेटका लागि सुनिल एम्ब्रिस र निकोलस पुरनले ५५ रनको साझेदारी गरे। त्यसपछि १८ औं ओभरमा हार्दिक पाँन्ड्याबाट सुनिल आउट भएपछि वेस्ट इण्डिजको पूरै ब्याटिङ क्रम नराम्ररी धर्मरायो र उसको एकपछि अर्को गर्दै विकेटहरू पतन हुँदै गए।
सुनिल ३१ रनमा पेभेलियन फर्किएपछि निकोलस पुरन पनि २८ रन भन्दा अगाडी टिक्न सकेनन् भने हेटमेयर १८ मा आउट हुँदा कप्तान जेसन होल्डर ६ रनमा आउट भए।
यस्तै कार्लोस ब्राथवेट मात्र १ रनमा आउट भए भने केमर रोचले १४ तथा शेल्डन कटरेलले १० रन जोड्दा ओशें थोमशले ६ रन भन्दा बढि जोड्न सकेनन्।
यसरी १४३ रन बनाउँदा वेस्ट इण्डिज अलआउट भयो।
यस पारीमा भारतका लागि मोहम्मद शामीले सर्वाधिक ४ विकेट लिए भने जसप्रीत बुमराह र युज्बेन्द्र चहलले समान २-२ विकेट लिए। यस्तै हार्दिक पान्ड्या र कुलदुप यादबले १-१ विकेट लिए।
त्यसअघि म्यानचेस्टरमा टस जितेर पहिले ब्याटिङ गरेको भारतले ७ विकेटको क्षतिमा २६८ रन बनाएको थियो।
भारतका लागि कप्तान विराट कोहलीले सर्वाधिक ७२ रन जोडे। उनले ८२ बलमा ८ चौका हिर्काए।
त्यसअघि ओपनर रोहित शर्मा २३ बलमा १८ रन जोडेर आउट भए। केएल राहुल ४८ रन बनाएर पेभेलियन फर्के। उनले ६४ बलमा ६ चौका प्रहार गरेका थिए।
महेन्द्रसिंह धोनीले नटआउट ५६ रन बटुले। उनले ६१ बल खेलेर ३ चौका र २ छक्का प्रहार गरे।
विजय शंकर १४ रन र केदार जादव ७ रनमै आउट भए। हार्दिक पाण्ड्याले ४६ रन दिए। उनले ३८ बलमा ५ चौका हिर्काए। मोहमद सामीले शून्यमा आउट भए।
बलिङमा वेस्ट इन्डिजका केमार रोचले ३ विकेट लिए। जासन होल्डर र सेलडम कोट्रेलले २-२ विकेट हात पारे।
जितसँगै भारत अंकतालिकामा ११ अंक जोडेको छ। उसले ६ खेलबाट सो अंक जोडेको हो। तालिकाको दोश्रो स्थानमा रहेको भारतले ६ खेलमा ५ मा जित तथा १ खेलमा बराबरी गरेको छ।
तालिकाको पहिलो स्थानमा भने १२१ अंक सहित अस्ट्रेलिया रहेको छ।
त्यसैगरी भारतसँग पराजित भएको वेस्ट इण्डिजको विश्वकप यात्रा लिग चरणमै समाप्त भएको छ। कुल ७ खेलमा ५ मा हार बेहोरेको वेस्ट इण्डिजले केबल ३ अंक जोडेको छ।
