जारी विश्वकप क्रिकेटकाबीच नै भारतीय कप्तान विराट कोहलीले नयाँ विश्व कीर्तिमान बनाएका छन्। उनले अन्तराष्ट्रिय क्रिकेटमा सर्वाधिक छिटो २० हजार रन बनाउने खेलाडीको कीर्तिमान बनाएका हुन्।
बिहिबार उनले वेस्ट इण्डिज विरूद्धको खेलमा यो कीर्तिमान कायम गरेका हुन्। यस क्रममा उनले सचिन तेन्तुलकर तथा ब्रायन लाराको कीर्तिमान तोडे।
जारी विश्वकपमा उनले ३ अर्ध शतक बनाइसकेका छन्।
कोहलीले यो कीर्तिमान १३१ टेस्ट, २२४ एकदिवसीय र ६२ टि-२० क्रिकेटबाट बनाएका हुन्। वेस्ट इण्डिज विरूद्धको खेलमा कोहलीले ३७ रन जोडे लगत्तै यो कीर्तिमान आफ्नो पक्षमा पारेका हुन्।
कोहलीले ३७५ खेलको ४१७ औं इनिंगमा यो रन पुरा गरेका हुन्। यस क्रममा कोहलीले कुल ६६ शतक र ९२ अर्धशतक प्रहार गरेका छन्।
सचिन र लारा दुवैले २० हजार रन समान ४५३ इनिंगबाट बनाएका थिए। कोहलीले ३६ इनिंगले दुबैलाई उछिनेका छन्।
सर्वाधिक रनकर्ताको रेकर्ड भने अझै सचिनको नाममा छ। उनले अन्तराष्ट्रिय क्रिकेटमा ३४ हजार ३ सय ५७ रन बनाएका छन्।
यस्तै कोहली २० हजार रन पूरा गर्ने दुनियाँका १२ औं खेलाडी हुन्। भारतबाट यो आँकडालाई सचिनका अलावा राहुल द्रविडले पार गरेका छन्। उनले २४ हजार २ सय ८ रन बनाएका छन्।
उनहरू बाहेक यो सूचिमा कुमार संगकारा, रिक्की पोन्टिङ, महेला जयवर।धने, ज्याक केलिस, ब्रायन लारा, सनथ जयसूर्या, शिवनारायण चन्द्रपल, इन्जमाम उल हक तथा एबी डिविलियर्स रहेका छन्।
