पछिल्लो खेलमा अफगानिस्तानविरूद्ध ह्याट्रिक प्रहार गरेका भारतीय बलर मोहम्मद शमीले क्रिकेट मैदानमा फेरि आफ्नो जादु छरेका छन्।
बिहिबार वेस्ट इण्डिज विरूद्धको खेलमा उनले क्यारेवियन टिमको माथिल्लो ब्याटिङ क्रमलाई धवस्त पार्दै भारतलाई जित दिलाउन महत्वपूर्ण भूमिका खेले।
उनले विस्फोटक ब्याटस्म्यान क्रिस गेललाई ६ तथा शाई होपलाई मात्र ५ रनमा पेभेलियन फर्काइदिए र भारतलाई शानदार सुरूवात दिलाए।
भारतले १२५ रनले जितेको हिजोको खेलमा ६.२ ओभर बलिङ गर्दै शमीले मात्र १६ रन खर्चेर ४ विकेट लिए। यसै खेलबाट उनले नयाँ कीर्तिमान आफ्नो नाममा बनाए।
उनले विश्वकपमा सर्वाधिक छिटो २५ विकेट लिने बलरको कीर्तिमान आफ्नो पक्षमा पारेका हुन्।
जारी विश्वकपमा शमीले केवल दुई खेल खेलेका छन्। अफगानिस्तानविरूद्धको खेलमा ह्याट्रिक गरेका उनले कुल ४ विकेट लिएका थिए। हाल दोश्रो विश्वकप खेलिरहेका शमीले विश्वकपमा कुल ९ खेल खेल्दै २५ विकेट लिइसकेका छन्। यो आफेमा एउटा रेकर्ड हो।
सर्वाधिक छिटो २५ विकेट लिदां विश्वकपमा उनको प्रदर्शन यस्तो रह्योः
सन् २०१५ को विश्वकपः
४/३५ पाकिस्तान विरूद्ध
२/३० दक्षिण अफ्रिका विरूद्ध
३/३५ वेस्ट इण्डिज विरूद्ध
३/४१ आयरल्याण्ड विरूद्ध
३/४८ जिम्बाबे विरूद्ध
२/३७ बंगलादेश विरूद्ध
०/६८ अस्ट्रेलिया विरूद्ध
सन् २०१९ को विश्वकप
४/४० अफगानिस्तान विरूद्ध
४/१६ वेस्ट इण्डिज विरूद्ध
वेस्ट इण्डिज विरूद्ध विश्वकपमा भारतका कुनै पनि खेलाडीले गरेको यो सर्वश्रेष्ठ प्रदर्शन हो। शमीभन्दा पहिले सन् १९८३ को विश्वकप क्रिकेटमा भारतका मोहिन्दर अमरनाथले १२ रन खर्चेर इण्डिजको ३ विकेट लिएका थिए।त्यसै गरी सोही विश्वकपमा रवि शास्त्रीले इण्डिज विरूद्ध नै २६ रन खर्चेर ३ विकेट लिएका थिए भने सन् २०११ को विश्वकपमा जहिर खानले पनि २६ रन दिएर ३ विकेट लिएका थिए।
