जारी विश्वकपको उपाधि दाबेदारमध्ये एक भनेर हेरिएको इङ्ल्याण्डले पछिल्ला खेलहरूमा खराब नतिजा निकालेपछि उसको सेमिफाइनल यात्रा कठिन मोडमा पुगेको छ।
यस्तोमा आयोजक इङ्ल्याण्डका विकेटकिपर तथा ब्याट्सम्यान जोनी बेयरस्टोले केहि मानिसहरूले इंल्याण्ड जारी विश्वकपमा असफल होस भने कामना गरिरहेको बताएका छन्।
'मानिसहरू चाहन्छन् की हामी असफल बनौं। उनीहरू हामीले जितोस् भन्ने चाहदैनन्। यस्तो इङ्ल्याण्डमा हुन्छ। यसमा नौलो केहि छैन', उनले भने।
उनले आफ्ना टोलीका सदस्य साथीहरूलाई चारैतीरबाट आलोचना भए पनि नडराउन अनुरोध गरेका छन्। उनले आलोचनाबाट बिचलित नभइ बाँकी रहेका खेलमा ध्यान दिदैं स्वभाविक खेल खेल्न आग्रह गरेका छन्।
'हामी निश्चिन्त हुनु जरूरी छ। तपाई जति दबाब लिनुहुन्छ, तपाई त्यतिनै भित्र खुम्चिनुहुनेछ। यस्तोमा तपाईले आफ्नो स्वभाविक खेल खेल्न सक्नुहुन्न, उनले भने।
