श्रीलंकाले आइसिसी क्रिकेट विश्वकपमा उच्च स्कोर बनाएको छ। सोमबार श्रीलंकाले वेस्ट इन्डिजविरुद्ध ६ विकेटको क्षतिमा ३३८ रन बनाएको हो।
श्रीलंकाका लागि अभिस्का फर्नान्डोले सतक हिर्काए। उनले १०३ बलमा १०४ रन जोड्न ९ चौका र २ छक्का हिर्काए। उनको विश्वकप र एकदिवसीय खेलमा पहिलो सतक हो। कुशल परेराले ६४ रन र दिमुख करुणारत्नले ३२ रन जोडे।
लिहरु थिरमानेले नटआउट ४५ रन बटुल्दा कुशल मेन्डिसले ३९ रन र एजेन्लो माथ्युले २६ रन जोडे।
बलिङमा वेस्ट इन्डिजका जासन होल्डरले २ विकेट लिए। सेलडम कोट्रेल, ओसान थोमस र फाबियन एलेनले १- १ विकेट लिए।
जारी विश्वकपबाट दुवै टिम यसअघि नै बाहिरिसकेका छन्।
