बङगलादेशलाई २८ रनले पराजित गर्दै भारत ईङ्ल्याण्डमा जारी आईसिसी विश्वकपको सेमिफाइनलमा पुगेको छ।
मंगलबार भएको खेलमा पहिले ब्याटिङ गर्दै भारतले बंगलादेशलाई ३१५ रनको लक्ष्य दिएको थियो।
जवाफी ब्याटिङमा आएको बंगलादेश २८६ रनमै समेटिएपछि भारत २८ रनले विजयी भएको हो।
बंगलादेशका लागि शाकिब अल हसनले सर्वाधिक ६६ रनको योगदान दिएका थिए। यसैगरी मोहम्मद सैफुद्दीनले ५१ रन रन बनाए भने शब्बीर रहमान र सौम्य सरकारले क्रमशः ३६ तथा ३३ रन बनाएका थिए।
बंगलादेशको यस पारीमा भारतका लागि जसप्रीत बुमराहले चार विकेट लिएका थिए भने हार्दिक पान्ड्याले ३ विकेट लिए। यस्तै युजवेन्द्र चहल, मोहम्मद शमी तथा भुवनेश्वर कुमारले समान १-१ विकेट लिए।
त्यसअघि बर्मिङघममा टस जितेर पहिले ब्याटिङ गरेको भारतले ५० ओभरमा ९ विकेटको क्षतिमा ३१४ रन जोडेको थियो।
भारतका लागि ओपनिङ ब्याट्सम्यान रोहित शर्माले शतक प्रहार गरे। जारी विश्वकपमा चौथो शतक हिर्काउने क्रममा उनले १०४ रन जोडे। उनले ९२ बलमा ७ चौका र ५ छक्का हिर्काए।
उनका ओपनिङ पार्टनर केएल राहुलले ९२ बलमा ७७ रन जोडे। कप्तान विराट कोहली २६ रन र रिशव पन्त ४८ रनमा आउट भए। महेन्द्रसिंह धोनीले ३३ बलमा ४ चौका हिर्काउदा ३५ रन बटुले।
हार्दिक पाण्ड्या शून्य, दिनेश कार्तिक ८ रन, भुवनेश्वर कुमार २ रन र मोहमद सामी १ रनमा आउट भए।
बंगलादेशका लागि मुस्ताफिजुर रहमानले ५ विकेट लिए। सौम्य सरकार, सकिब अल हसन र रुबेल हुसेनले १-१ विकेट लिए।
सेमिफाइनल जित्न बंगलादेशलाई खेल जित्नै पर्ने दबाब छ। भारतलाई भने बाँकी रहेका २ मध्ये १ खेलमा जित हात पारे पुग्छ।