लसिथ मालिंगापछि श्रीलंकाका अर्का बलरले पनि संन्यासको घोषणा गरेका छन्।
श्रीलंकाका अनुभवी फास्ट बलर नुवान कुलसेकराले बुधबार अन्तराष्ट्रिय क्रिकेटबाट संन्यासको घोषणा गरेका हुन्।
सन् २००३ मा ईङ्ल्याण्ड विरूद्ध खेल्दै वान डेमा डेब्यू गरेका नुवानले देशका लागि अन्तिमपटक सन् २०१७ मा आफ्नो अन्तिम वान डे खेलेका थिए।
मिडिया रिपोर्टहरूका अनुसार नुवान बिदाइ खेल खेलेर संन्यास लिन चाहन्थे तर चयनकर्ताहरूले उनको यो माग नमानेपछि उनले संन्यासको घोषणा गरेका हुन्।
नुवान श्रीलंकाका लागि वान डे मा सर्वाधिक विकेट लिने पाँचौ बलर हुन्। उनले १८४ खेलबाट १९९ विकेट लिएका छन्। यस्तै २१ टेस्ट खेलमा उनले ४८ विकेट लिएका थिए।
यसका अलावा उनले टि-२० क्रिकेटमा भने सर्वाधिक विकेट लिने खेलाडीको सूचिमा लसिथ मालिंगासँगै दोश्रो स्थानमा रहेका छन्। उनले ५८ खेलबाट ६६ विकेट लिएका छन्। मालिंगाले बंगलादेशविरूद्ध ३ वान डे को सिरिजको पहिलो खेलबाट संन्यास लिदैंछन्।
