पाकिस्तान क्रिकेट टोलीका युवा सलामी ब्याटस्म्यान इमाम उल हकमाथि कयौं युवतीहरूले धोका दिएको आरोप लगाएका छन्।
पाकिस्तानी मिडियामा प्रकाशित रिपोर्टका अनुसार, यस घटनामा युवतीहरू र इमामबीच ह्वाट्सएपमा भएको च्याटको स्क्रिनसट सामाजिक संजालमा हाल भाइरल भइरहेको छ। स्क्रिनसट भाइरल भएपछि इमाम विवादमा परेका छन्।
उनीमाथि बितेका ६ महिनामा एकसाथ ७ देखि ८ युवतीसँग डेट गएर उनीहरूलाई धोका दिएको आरोप लगाइएको छ।
स्क्रिनसटलाई सामाजिक संजालमा पोस्ट गरेका अन्जान व्यक्तिले स्क्रिनसटमात्र नभइ आफूसँग इमामको हर्कतहरूको भिडियओ र तस्वीरहरूसमेत रहेको दाबी गरेका छन्।
उनले सम्बन्धित युवतीहरूले मंजुरीपछिमात्र तिनलाई पोस्ट गर्ने बताएका छन्।
इमामुल पाकिस्तानका पूर्व राष्ट्रिय ब्याटस्म्यान एवम पूर्व चयनकर्ता इंजमाम उल हकका भतिजा हुन्।
उनको यस हर्कतका बारेमा पाकिस्तान क्रिकेट बोर्डलाई जानकारी भएपनि बोर्डले कुनै कार्वाही गर्न अस्विकार गरेको छ।
बोर्डका मिडिया निर्देशक समी-उल-हसनका अनुसार इमामको निजी मामिला भएकाले बोर्डले कुनै धारणा पेस नगर्ने स्पष्ट पारेका छन्।
इमामले पाकिस्तानका लागि हालसम्म १० टेस्ट खेलमा १९ पारी खेल्दै ४८३ रन बनाएका छन्।
टेस्टमा उनले सर्वाधिक ७५ रन स्कोर गरेका छन्। ३ अर्धशतक पनि उनको नाममा छ।
त्यसैगरी वान डे तर्फ ३६ वान डे खेलेका उनले ५ पटक नटआउट हुँदै १ हजार ६ सय ९२ रन बनाएका छन्। उनले १५१ को सर्वाधिक रन बनाएक छन् यसमा ७ शतक र ६ अर्ध शतक सामेल छन्।
