श्रीलंकाले बंगलादेशलाई शुक्रबार भएको ३ वान डे सिरिजको पहिलो खेलमा ९१ रनले पराजित गरेको छ।
श्रीलंकाको यस जितसँगै उसको फास्ट बलर लसिथ मालिगांको अन्तराष्ट्रिय वान डे क्रिकेट यात्रा टुङ्गिएको छ।
प्रेमदासा स्टेडियम, कोलोम्बोमा बंगलादेशविरूद्ध अन्तिम वान डे खेल खेल्दै घरेलु दर्शकमाझ मालिंगाले अन्तराष्ट्रिय क्रिकेटबाट बिदा लिएका हुन्।
आफ्नो अन्तिम खेलमा उत्कृष्ट प्रदर्शन गर्दै मालिंगाले ३ विकेट लिए।
हिजोको यस खेलमा श्रीलंकाले बंगलादेशलाई ८ विकेटको क्षतिमा ३१५ रनको लक्ष्य दिएको थियो। लक्ष्य पछ्याउन आएको बंगलादेशले सो लक्ष्य पूरा गर्न सकेन। उ ४१.४ ओभरमा २२३ रन बनाउँदा अल आउट भयो।
श्रीलंकाको जितमा कुसल परेराले सर्वाधिक १११ रन बनाए। उनले ९९ बलको सामना गर्दै यसक्रममा १७ चौका तथा १ छक्का प्रहार गरेका थिए।
त्यसैगरी एङ्गेलो म्याथुजले ४८ रनको योगदान दिदां कुशल मेन्डिस र लाहिरू थिरिमानेले २५ रनको योगदान दिए। बंगलादेश बलर शैफुल इस्लामले ३ विकेट लिए।
बंगलादेशको यस पारिमा आफ्नो अन्तिम अन्तराष्ट्रिय एकदिवसीय खेलेका मालिंगाले ३ विकेट लिए। उनले ३८ रन दिदैं ३ विकेट लिएका हुन्।
मलिंगाले बंगलादेश ओपनर तथा कप्तान तामिम इकबाल र सौम्य सरकारलाई बोल्ड गर्दै पहिलो २ विकेट लिएका थिए भने मुस्तफिजुर रहमानलाई क्याच आउट गराए।
उनका अलाबा नुवान प्रदिपले पनि समान ३ विकेट लिए।
