एशेज सिरिजका लागि अस्ट्रेलियाले टोलीको घोषणा गरेको छ।
अगस्ट १ बाट ईङ्ल्याण्डविरूद्ध सुरू हुने ५ टेस्टको श्रृखंलाका लागि अस्ट्रेलियाले १७ सदस्यीय टोलीको घोषणा गरेको हो।
टोलीमा फास्ट बलर माइकल नेसेरले पहिलोपटक टोलीमा स्थान पक्का गरेका छन् भने विकेटकिपर तथा ब्याट्सम्यान याथु वेड पनि टोलीमा फर्किएका छन्।
यसैगरी यस वर्ष प्रतिबन्ध समाप्त भएका स्टीव स्मिथ, क्यामरन बेनक्राफ्ट तथा डेविड वार्नर पनि टोलीमा छन्। टिम पेनले सिरिजको कप्तानी गर्नेछन्। टोलीमा शान मार्शलाई राखिएको छैन् तर उनका भाइ तथा अलराउण्डर मिशेल मार्शलाई टोलीमा ल्याइएको छ।
एशेज सिरिजको पहिलो टेस्ट अगस्ट १ बाट बर्गिङहमको ऐजबेस्टन मैदानमा सुरू हुनेछ भने दोश्रो टेस्ट १४ अगस्टदेखि १८ अगस्टसम्म लण्डनको लड्स मैदानमा हुनेछ।
यस्तै तेश्रो टेस्ट २२ अगस्टबाट लिड्सको हेडिङ्ग्ले मैदानमा हुनेछ। त्यसपछि चौथो र पाँचौ टेस्ट क्रमशः ४ सेप्टेम्बरमा म्यानचेस्टरमा र १२ सेप्टेम्बरमा केनिङ्ग्सटन ओवलमा हुनेछ।
टिम अस्ट्रेलियाः टिम पेन(कप्तान), कैमरन बैनक्राफ्ट, प्याट कमिङ्स, मार्कस हैरिस, जोश हेजलवुड, ट्रैविस हेड, उस्मान ख्वाजा, मारनस लाबुस्चग्ने, नाथन लायन, मिशेल मार्श, माइकल नेसेर, जेम्स पैटिंसन, पिटटर सिडल, स्टीवन स्मिथ, मिशेल स्टार्क, म्याथु वेड तथा डेविड वार्नर।
