पाकिस्तानी क्रिकेट बोर्ड (पिसिबी)ले कयौं महिलाहरूलाई धोका दिएको मामिला व्यक्तिगत भएपनि इमाम उल हकमाथि जाँच गर्ने बताएको छ।
उसले या मामिलामा जाँच सुरू पनि गरिसकेको छ। पाकिस्तानी मिडियामा प्रकाशित समाचारहरूका अनुसार युवतीहरूसँगको ह्वाट्स्याप सामाजिक संजालमा भाइरल भएपछि इमामसम्बन्धी विवाद बढेको छ।
उनीमाथि बितेका ६ महिनामा एकैसमय ७ देखि ८ युवतीसँग डेट गरेर उनीहरूलाई धोका दिएको आरोप छ।
यस मामिलामा जाँच गर्ने भएपनि बोर्डले कुनै पनि प्रकारको सूचना ननिकाल्ने बताएको छ। उसले यो मामिला व्यक्तिगत भएकाले त्यस्तो नगर्ने बताएको हो।
'हामीले त्यो होटलको पनि जाँच गरेका छौं जहाँ उनी बसेका थिए। तर हामीले त्यहाँ त्यस्तो कुने जानकारी पाएनौ जसले उनीविरूद्ध लगाइएको आरोप सिद्ध गरोस्', एक पाकिस्तनी अधिकारीले बताए।
सुरूमा भने बोर्डले यसबारेमा कुनै जाँच गर्न अस्विकार गरेको थियो। बोर्डले नीजि मामिला भएकाले जाँच नगर्ने बताएको थियो।
इमाम र युवतीहरूबीचको च्याट सार्वजनिक गरेका एक अनाम व्यक्तिले आफूसँग च्याटसँगै भिडियो र तस्वीरसमेत प्रमाणका रूपमा रहेको र सम्बन्धित युवतीहरूबाट अनुमति भएपछिमात्र पोस्ट गर्ने बताउँदै आएका छन्।
इमाम पूर्व पाकिस्तानी क्रिकेटर इन्जमाम उल हकका भतिजा हुन्।
