विश्वकप क्रिकेट २०१९ पछि विभिन्न देशका क्रिकेटमा परिवर्तनहरू चलिरहेका छन्। केहि टोलीका कप्तान परिवर्तन भएका छन् भने केहि खलाडीहरूले संन्यासको लकिएका छन्।
यस्तोमा विश्वकप क्रिकेटमा मिश्रित प्रदर्शन गरेको बंगलादेशले आफ्नो प्रशिक्षक परिवर्तन गर्ने भएको छ। यसका लागि उसले टोलीका लागि दक्षिण अफ्रिकाका पूर्व फास्ट बलर चार्ल लैंगवेल्ट तथा न्युजिल्याण्डका पूर्व लेफ्ट आर्म स्पिनर डेनियल भिटोरीलाई प्रशिक्षक नियूक्त गरेको छ।
बंगलादेशले क्रमशः दुबैलाई ईस्ट बलिङ र स्पिन बलिङको कोच नियूक्त गरेको छ। लैंगवेल्टलाई दुई वर्षका लागि टोलीमा अनुबन्धित गरिएको हो भने भिटोरीले आगामी टि-२० क्रिकेट विश्वकपसम्म टोलीलाई प्रशिक्षण दिनेछन्।
विश्वकपमा कोचको भूमिका निर्वाह गरेका काँर्टनी वाल्सको कार्यकाल समाप्त भएकाले उनको स्थान लैंगवेल्टले लिनेछन्। लैंगवेल्ट यसअघि अफगानिस्तान र दक्षिण अफ्रिकाका कोच थिए। ४४ वर्षे लैंगवेल्ट अब बंगलादेशको पूर्णकालिन कोच बन्नेछन्।
त्यस्तै आगामी टि-२० विश्वकपसम्मका लागि अनुबन्धित भएका भिटोरी यसै वर्ष हुने भारत भ्रमणमा टोलीसँग हुनेछन्।
सन् २०१५ मा संन्यास लिएका भिटोरीले आईपिएलमा रोयल च्यालेन्जर्स बेङ्लोरको प्रशिक्षकको भूमिका निभाइसकेका छन्। यसका अलावा उनी अस्ट्रेलियाको बिब ब्यास लिगमा ब्रिसबेनको कोच रहिसकेका छन्।
कोच नियूक्त भएका भिटोरी बंगलादेश उदाउँदै गरेको टोली भएकाले उसमा प्रतिभा र क्षमता दुबै भएको बताउँछन्। उनले शाकिब अल हसन, मेहदी हसन मिजाज, ताजुल इस्लाम तथा अन्य युवा खेलाडीसँग काम गर्न लाग्दा खुशी महसुस भएको प्रतिक्रिया दिएका छन्।
हालै सकिएको विश्वकप क्रिकेटमा बंगलादेशले ९ खेलमा ३ खेलमा जीत्दै आठौं स्थानमा आफ्नो विश्वकप समापन गरेको थियो।
यस विश्वकपमा अन्तिम दुई खेल खेल्न बाँकी रहँदासम्म उसको विश्वकप सेमिफाइनल खेल्ने सम्भावना रहेको भएपनि उसले सो अवसर आफ्नो पक्षमा पार्न सकेन।
विश्वकपमा शाकिब अल हसनले ५०० बढि रन बनाउनुका साथै १० विकेट लिएर नयाँ कीर्तिमान बनाउन सफल भएका थिए। सबै विश्वकपमा उनी यस्तो गर्ने पहिलो खेलाडी बने।
अब दुई नयाँ कोचको आगमनले बंगलादेशी टोलीको प्रदर्शन कता जान्छ भन्ने सबैको नजर छ।
