ग्लोबल टी-२० क्यानडा क्रिकेट प्रतियोगितामा नेपालका युवा लेगस्पिनर सन्दीप लामिछानेले लगातार दोस्रो खेलमा विकेट लिन सफल भएका छन्।
टोरन्टो नेसनल्सका बलर सन्दीपले सोमबार विहान सकिएको खेलमा मोन्टरियल टाइगर्सविरुद्ध १ विकेट लिएका हुन्।
सन्दीपले यसअघि आइतबार ब्राम्टन वुल्भ्सविरुद्ध १ विकेट लिएका थिए। सो खेलमा महँगा साबित भएका सन्दीपले ४ ओभर बलिङ गर्दा ४४ रन खर्चिए।
टाइगर्सविरुद्ध भने सन्दीपले सम्हालिएर बलिङ गरे। उनले ४ ओभर बलिङ गर्दा २८ रन दिए। त्यक्रममा सन्दीपले ७ बल डट फ्याँके भने २ चौका र १ छक्का दिए। सन्दीपले टाइगर्सका म्याथ्यु क्रसलाई एलबिडब्लूको धरापमा पारेका थिए।
खेलमा सन्दीपको नेसनल्सले टाइगर्सलाई ४ विकेटले पराजित गर्यो। पहिले ब्याटिङ गरेको टाइगर्सले ९ विकेटको क्षतिमा १३६ रन जोड्यो। नेसनल्सले १७.३ ओभरमा ६ विकेटको क्षतिमा लक्ष्य पार गर्यो।
लिगको पाँचौ चरणको खेल सकिएका छन्। अब दोस्रो चरणको खेल मंगलबारदेखि हुँदैछ।
लिगमा नेपालका अर्का बलर सोमपाल कामी विनिङपेग हग्गसँग आबद्ध छन्। आइतबार लिगमा डेब्यू गरेका सोमपालले विकेट लिन भने सकेका थिएनन्।
