दक्षिण अफ्रिकाका फास्ट बलर डेल स्टेनले टेस्ट क्रिकेटबाट संन्यासको घोषणा गरेका छन्।
दक्षिण अफ्रिकाका सबैभन्दा सफल बलर स्टेन वान डे र टि-२०मा भने निरन्तर हुनेछन्। दक्षिण अफ्रिकाले आगामी महिना भारतसँग टेस्ट खेल्दैछ।
स्टेनले दक्षिण अफ्रिकाका लागि ९३ टेस्ट खेल खेल्दै ४३९ विकेट लिएका छन्। ३६ वर्षिय स्टेनले १२५ वान डे र ४४ टि-२० खेलेका छन्।
यी खेलहरूबाट उनले क्रमशः १९६ र ६१ विकेट लिएका छन्। उनी बललाई दुबैतीर स्वीगं गराउन सक्ने बलरमध्येका एक हुन्। उनी १४० किलोमिटर प्रतिघण्टाको रफ्तारमा बलिङ गर्न सक्छन्।
'म आज त्यो खेलबाट बिदा लिदैंछु जसलाई मैले सबैभन्दा धेरै चाहन्छु। मेरो नजरमा टेस्ट क्रिकेट यो खेलको सबैभन्दा उत्कृष्ट प्रारुप हो। यसले मानसिक, शारिरीक र भावनात्मक रूपले तपाईको परिक्षा लिन्छ। अब म टेस्ट क्रिकेटमा छैन भनेर सोच्नु पनि मेरा लागि भयानक छ। तर यो भन्दा पनि भयानक त म यसको कुनै पनि प्रकारमा छैन भन्दा हुन्थ्यो। यसकारण म वान डे र टि-२० खेलिरहनेछु', स्टेनले भने।
स्टेनले क्रिकेट करियरमा सहयोग गर्ने सबैप्रति आभार प्रकट गरेका छन्।
