भारतले दोश्रो वान डेमा वेस्ट इण्डिजमाथि सहज जित हासिल गरेको छ।
कप्तान विराट कोहलीको १२० रनको शतकिय पारी तथा भुवनेश्वर कुमारको ४ विकेटको उत्कृष्ट प्रदर्शनमा भारतले दोश्रो जित दर्ता गरेको हो।
वर्षातले प्रभावित खेलमा भारतले पहिले ब्याटिङ गर्दै ७ विकेटको नोक्सानीमा २७९ रन बनाएको थियो। जवाफी ब्याटिङमा आएको वेस्ट इण्डिज २१० रन बनाउँदा अलआउट भयो र खेल भारतले ५९ रनले जित्यो।
यसै खेलमा भारतीय कप्तान कोहलीले वान डे करियरको ४२ औं शतक प्रहार गरे। उनी अब सचिनको ४९ शतकको कीर्तिमानबाट मात्र ७ शतक पर छन्।
पोर्ट अफ स्पेनमा टस जितेर भारतले पहिले ब्याटिङ गर्ने निर्णय गरेको थियो।
जवाफी ब्याटिङमा आएको वेस्ट इण्डिजको पारीको बीचमा वर्षा भएपछि उसलाई ४६ ओभरमा २७० रनको नयाँ लक्ष्य मिलेको थियो। टोलीले सो लक्ष्य भेट्टाउन सकेन। इण्डिज ४२ ओभरमा २१० रन बनाउँदा अलआउट भयो र खेल भारतले जित्यो।
इण्डिजका लागि एभिन लुइसले सर्वाधिक ६५ रन हाने भने निकोलस पुरनले ४२ रनको योगदान दिए।
यस पारीमा भारतका लागि भूवनेश्वर कुमारले सर्वाधिक ४ विकेट लिए भने मोहम्मद शामी र केदार जाधवले समान २-२ विकेट लिएभने रविन्द्र जडेजा र खलिल अहमदले १-१ विकेट लिए।
