विश्वका महान् ब्याटस्म्यान मध्येका एक ब्रायन लाराले वेस्ट इण्डिजका लागि वान डे मा सर्वाधिक रन बनाउँदै आफ्नो कीर्तिमान तोडेकोमा क्रिस गेललाई बधाई दिएका छन्।
भारतविरूद्ध आइतबार खेलिएको खेलमा गेलले लारालाई रनको मामिलामा जितेका हुन्।
'वेस्ट इण्डिजका लागि वान डेमा सर्वाधिक रन बनाउने ब्याटस्म्यान बनेकोमा बधाई छ गेल', लाराले ट्वीट गर्दै भने।
गेल यस सिरिजपछि अन्तराष्ट्रिय क्रिकेटबाट बिदा हुनेछन्।
३९ वर्षिय गेलले ब्रायन लाराले २९७ वान खेल खेल्दै बनाएको १० हजार ३ सय ५३ रनको कीर्तिमान तोडेका हुन्। गेलले ३०० खेलबाट १० हजार ४ सय ८ बनाउँदै रेकर्ड तोडेका हुन्। गेलले बनाएको कीर्तिमान कुनै पनि वेस्ट इण्डिजका खेलाडीले वान डे मा बनाएको सर्वाधिक रनको कीर्तिमानसमेत हो।
वान डे मा सर्वाधिक रन बनाउने कीर्तिमान भने सचिन तेन्तुलकरको नाममा छ। उनले १८ हजार ४ सय २६ रन बनाएका छन्।
यस हिसाबले यो सूचिमा गेल १२ स्थानमा पर्छन् भने लारा १३ स्थानमा पर्छन्। गेलले यसक्रममा अर्को एउटा क्रीतिमान पनि बनाएका छन्। उनी ३०० वान डे खेल्ने वेस्ट इण्डिजका पहिलो ब्याटस्म्यान समेत बने।