बिहिबार बसेको भारतीय सिनियर चयन समितिले दक्षिण अफ्रिका विरूद्ध हुने ३ खेलको टि-२० सिरिजका लागि टोलीको घोषणा गरेको छ।
टोलीमा हार्दिक पाँड्या फिर्ता भएका छन् भने भूवनेश्वर कुमारलाई आराम दिइएको छ। यस्तै टोलीमा पूर्व कप्तान महेन्द्र सिंह धोनी परेनन्।
राहुल चहर र दीपक चहर टोलीमा कायमै रहेका छन् भने कूलदीप यादव र युजवेन्द्र चहलको जोडीलाई यसपटक पनि आराम दिइएको छ।
वेस्ट इण्डिज भ्रमणमा हार्दिक टोलीमा परेका थिएन। दक्षिण अफ्रिका सिरिजका लागि पाँड्याको आगमन र भुवनेश्वरको बहिर्गमन हुनुबाहेक अन्य परिवर्तन भारतीय टोलीले गरेको छैन।
यस्तै इण्डिज भ्रमणका लागि धोनीले आराम मागेको भएपनि दक्षिण अफ्रिका सिरिजका लागि एम.एस.के. प्रसादको अध्यक्षता बसेको पाँच सदस्यीय चयन समितीले धोनीलाई धोनीलाई बाहिर नै राख्ने निर्णय गरेको छ।
सिरिजको पहिलो खेल १५ सेप्टेम्बरमा, दोश्रो खेल १८ सेप्टेम्बरमा र तेश्रो खेल २२ सेप्टेम्बरमा हुनेछ।
भारतीय टोलीः विराट कोहली(कप्तान), रोहित शर्मा(उप-कप्तान), शिखर धवन, श्रेयस अय्यर, लोकेश राहुल, मनीष पांडे, ऋषभ पंत (विकेटकिपर), हार्दिक पाँड्या, रवीन्द्र जडेजा, क्रुणाल पांड्या, वाशिङ्टन सुन्दर, राहुल चहर, दीपक चहर, नवदीप सैणी तथा खलील अहमद।