अन्तर्राष्ट्रिय क्रिकेट परिषद् (आइसिसी)ले सार्वजनिक गरेको टी–२० क्रिकेटको नयाँ वरीयतामा नेपालका कप्तान पारस खड्का अराउन्डरमा २७ औँ स्थानमा छन्।
कप्तान खड्काले ९० रेटिङ अङ्क पाएका छन्। उनी दुई महीनाअघि २५ औँ स्थानमा थिए।
अलराउन्डरको शीर्ष स्थानमा अस्ट्रेलियाका ग्लेन म्याक्सवेल छन्।
आइसिसीले सार्वजनिक गरेको नयाँ वरीयतामा कप्तान खड्कासँगै बलरद्वय वसन्त रेग्मी र सोमपाल कामी पनि परेका छन्।
त्यस्तै ब्याटिङतर्फ भने कप्तान खड्का ६६ औँ स्थानमा छन् ।
बलिङमा नेपाली टोलीका सदस्य रेग्मी ४११ रेटिङ पाउँदै ७३ औँ स्थानमा पुगेका छन् भने कामी ३९१ रेटिङ पाउँदै ७८औँ स्थानमा झरेका छन्।
त्यस्तै अलराउण्डरतर्फ सोमपाल ६७औँ स्थानमा यथावत् रहेका छन्। उनले ४९ रेटिङ अङ्क पाएका छन्।
आइसिसीको टोलीमा टी ट्वान्टी वरियतामा नेपाल ११ औँ स्थानमा यथावत् रहेको छ भने एकदिवसीय वारियतामा नेपाल १७ औँ स्थानमा रहेको छ।
