भारतीय क्रिकेट टिमका अलराउन्डर हार्दिक पाण्ड्याले इन्गेजमेन्ट गरेका छन्।
नयाँ वर्षका दिन बुधबार उनले सामाजिक सञ्जाल इन्स्टाग्राममा एक तस्बिर सार्वजनिक गरे।
उक्त तस्बिरमा उनी सर्वियन अभिनेत्री नताशा स्टानकोभिकसँगै देखिए। र लेखे- मै तेरा, तु मेरी, जाने सारा हिन्दुस्तान।
त्यसको केहीबेरमा नताशाले इन्स्टाग्राममा भिडिओ हालिन्। उक्त भिडिओमा पाण्ड्याले उनलाई औंठी दिँदै विवाहको प्रस्ताव गरेका छन्।
नताशाले भिडिओको क्याप्सनमा लेखेकी छन्- सदाका लागि।
इन्गेजमेन्टपछि पाण्ड्यालाई बधाईको ओइरो लागेको छ।
भारतीय कप्तान विराट कोहलीले पनि उनलाई बधाई दिएका छन्।
को हुन नताशा?
सर्वियन नागरिक नताशा बलिउडमा पनि काम गरेकी छन्। उनको डेब्यु प्रकाश झा निर्देशित सत्याग्रह हो। सन् २०१२ मा भारत आएकी नताशाले उक्त सिनेमाको आइटम गीतमा नाचेकी थिइन्।
त्यसपछि र्यापर वादशाहको म्युजिक भिडिओ खेलिन्। सन् २०१४ मा उनी सलमान खानले चलाउने टिभी कार्यक्रम बिग बोसमा सहभागी भइन्।
उनलाई र्यापर बादशाहकै ब्लकबस्टर गीत ‘डिजेवाला बाबु’ बाट लोकप्रियता मिल्यो।
२७ वर्षीया नताशा शाहरूख खानको सिनेमा जिरो पनि अतिथि भूमिका देखिइन्।