आइसिसी विश्वकप लिग-२ अन्तर्गत ओमानविरुद्धको एकदिवसीय अन्तर्राष्ट्रिय खेलमा नेपालले सातौं विकेट गुमाएको छ। करण केसी १० रन बनाएर आउट भएका छन्।
१६ बल खेलेका करणले एक चौकासहित १० रन बनाए। शनिबार कीर्तिपुरस्थित त्रिवि क्रिकेट मैदानमा भएको खेलमा नेपालले टस हारेर ब्याटिङ गरेको हो।
४७ ओभरको खेल चलिरहँदा नेपालले ७ विकेट क्षतिमा २ सय २२ रन बनाएर खेलिरहेको छ।
अहिले क्रिजमा बिनोद भण्डारी र सन्दीप लामिछाने छन्।
यसअघि नेपाल ओमानसँगको पहिलो खेलमा भने १८ रनले पराजित भएको थियो। त्यसैले नेपाललाई आज ओमानसँग बदला लिने अवसर पनि छ।
