गत सिजनको आइपिएलपछि विश्वभर विभिन्न टी-२० फ्रेञ्चाइज लिग भए।
ती लिगमा केहि खेलाडीले एकनासको प्रदर्शन गरेका छन्। विभिन्न लिगमा गरेको प्रदर्शनको आधारमा क्रिक इन्फोले खेलाडीको तथ्याङ्क विश्लेषण गरेको छ।
विश्लेषणको आधारबाट पछिल्लो १२ महिनामा टी–२० का उत्कृष्ट खेलाडी को हुन् त?
उत्कृष्ट खेलाडी छनोट गर्न तीन वटा आधार तय गरिएको छ।
पहिलो खेलाडीहरुले कम्तिमा १५ खेल खेलेको हुनु पर्ने। ती खेलहरु आइपिएल, टी२० ब्लास्ट, बिबिएल, सिपिएल, एाजान्सी सुपर लिग र पिएसएल रहेका छन्।
दोस्रो आधारमा बंगलादेशको बिपिएल समावेश गरिएको छैन। किन भने बिपिएलले नयाँ नियम पालन गरेको थिएन।
तेस्रो आधार आइपिएल २०१९ पछिका खेललाई मात्र गन्ति गरिएको छ।
यी आधारबाट वेस्ट इन्डिजका आन्द्रे रसेल टी–२० का उत्कृष्ट खेलाडीको शीर्ष स्थानमा छन्। उनले १९ खेल खेल्दा ६ सय ९ रन बनाए। यस्तै उनले १७ विकेट पनि लिन सफल भए। उनले प्रतिखेल ७६.७ रन बनाए।
दोस्रो स्थानमा वेस्ट इन्डिजकै सुनील नारिन छन्। उनले १९ खेलमा २६० रन र १७ विकेट लिए।
इंग्ल्यान्डका मोइन अली २९ खेलमा ७६१ रन बनाएर तथा २३ विकेट लिएर तेस्रो, अस्ट्रेलियाका डी'आर्ची सर्ट २१ खेलमा ८४० रन र २१ विकेट लिएर चौथो र ग्लेन म्याक्सवेल २७ खेलमा ७०३ रन रन र १६ विकेट लिएर पाँचौ स्थानमा छन्।
यहाँ खेलाडीको प्रदर्शनले टिमलाई पुगेको योगदानको आधारमा पनि वरीयता राखिएको छ। जसमा विजयी रन र महत्वपूर्ण विकेटलाई गनिएको छ।
शीर्ष दशमा भारतका हार्दिक पाण्ड्या, अफगानिस्तानका मोहमाद नाबी, दक्षिण अफ्रिका डेल स्टेन, अफगानिस्तानका रासिद खान र दक्षिण अफ्रिकाका इमरान ताहिर रहेका छन्।