पाकिस्तानका पूर्व क्रिकेटरको कोरोना भाइरसका कारण निधन भएको छ। ५० वर्षीय जफर सर्फराजको कोरोनाले ज्यान लिएको हो।
उनको पेसावरको एक अस्पतालमा सोमबार निधन भएको हो। कोरोना संक्रमण भएपछि उनलाई चार दिनअघि एक निजी अस्पतालको भेन्टिलेटरमा राखिएको थियो।
सन् १९८८ मा पाकिस्तानको पहिलो श्रेणीको क्रिकेटमा डेब्यू गरेका उनले पेसावरका लागि १५ वटा पहिलो श्रेणीको खेल खेलेका थिए।
उनी पाकिस्तानका पूर्व अन्तर्राष्ट्रिय खेलाडी अख्तर सर्फराजका भाइ हुन्।
