क्रिकेट खेल्नका लागि अस्ट्रेलिया भ्रमण जाने अनुमती पाएको अवस्थामा भारतीय क्रिकेट टिम दुई साताको क्वारेन्टाइनमा बस्न तयार भएको भारतीय क्रिकेट कन्ट्रोल बोर्ड (बिसीसीआई) का एक अधिकारीले बताएका छन्।
भारतले २०२० को अन्त्यमा अस्ट्रेलियासँग चार टेस्ट र तीन एकदिवसीय खेल्ने कार्यक्रम छ।
यदि यो सिरिज कोरोनाभाइरसका कारण नभएको अवस्थामा अस्ट्रेलियाले १९६ मिलियन अस्ट्रेलियन डलर घाटा ब्यहोर्नु पर्नेछ।
भारत र अस्ट्रेलियाबीचको सिरिज संचालन गर्नका लागि क्रिकेट अस्ट्रेलिया र सरकारले गृहकार्य थालेको छ।
भारतीय टिमलाई क्रिकेट सिरिजका लागि भ्रमण गर्न अनुमति दिनका लागि पालना गर्नु पर्ने नियमको विषयमा पनि छलफल भइरहेको छ।
यहि साता अस्ट्रेलियाका खेलकुद मन्त्री रिचार्ड कोलबेकले वर्षको अन्त्यमा अन्तर्राष्ट्रिय खेलकुद प्रतियोगिता गर्नका लागि अनुमति दिने बताएका थिए।
