आगामी अक्टोबरमा अस्ट्रेलियामा हुने टी-२० विश्वकप प्रतियोगिता सार्ने कि तोकिएको समयमा गर्ने विषयमा एक महिनापछि निर्णय हुने भएको छ।
आइसिसीको बुधबार बसेको टेलिकन्फरेन्स बोर्ड बैठकले आइसिसी टी-२० विश्वकपको आयोजना मितिको विषयमा एक महिनापछि गर्ने निर्णय गरेको हो।
कोरोनाभाइरस कारण अनिश्चित बनेको विश्वकपको विषयमा परिस्थिति हेरेर निर्णय गर्ने आइसिसीले जनाएको छ।
कोरोनाले हाल अधिकांस घरेलु तथा अन्तर्राष्ट्रिय खेल तालिका असर गरेको छ। यो अवस्थामा विश्वकप पनि समयमै हुनेमा आशंका गरिँदै आइएको छ।
विश्वभर फैलिरहेको कोरोना भाइरसका कराण अन्तर्राष्ट्रिय क्रिकेट प्रभावित भएको अवस्थामा टी-२० विश्वकप पनि स्थगित गर्नु पर्ने कतिपयको तर्क छ।
कोरोना कारण विश्वकै ठूलो फ्रेञ्चाइज क्रिकेट लिग आइपिएल अनिश्चितकालका लागि स्थगित छ। टी-२० विश्वकप भएको अवस्थामा आइपिएल हुने सम्भावना छैन। यदि टी२० विश्वकप नभए आइपिएल गर्नका लागि भारतीय क्रिकेट नियन्त्रण बोर्डले तयारी गरिरहेको छ।
