क्रिकेट साउथ अफ्रिकाले नयाँ स्वरुपको क्रिकेट प्रतियोगिता गर्ने भएको छ। एक कम्पनीसँगको सहकार्यमा 'थ्री-टि-क्रिकेट' नाममा नयाँ स्वरुपको क्रिकेट प्रतियोगिता गर्न लागिएको हो।
तीन टिममा ८-८ जना खेलाडी हुनेछन्। टिमलाई किङ्गफिसर, काइट्स र इगल्सको नाम दिएको छ। तीन टिमको कप्तानी एबी डिभिलियर्स, क्वान्टन डे कक र कागिसो रबाडाले गर्नेछन्।
एक खेलमा दुई टिमबीच प्रतिस्पर्धा हुने गरेकोमा अब नयाँ स्वरुपमा तीनै टिमले एकै खेलमा प्रतिस्पर्धा गर्नेछन्।
जुन २७ मा सेन्चुरीयनमा हुने प्रतियोगितालाई सोलिडारिटी कप नाम दिएको छ। कोरोना भाइरसपछि खेलाडीहरूलाई रिफ्रेस गराउन र नयाँ स्वरुपको क्रिकेटको परीक्षणका लागि प्रतिस्पर्धा गराउन लागिएको हो।
प्रतिस्पर्धा दुई हाफमा गरि खेलाइनेछ। ३६ ओभरको खेलको प्रत्येक हाफमा १८ ओभर हुनेछ। खेललाई १२-१२ ओभर गरेर तीन इनिङ्ग्समा इनिङ्समा विभाजन गरिनेछ एक टिममा ८-८ जना खेलाडी हुनेछन्। तीन वटै टिमले ब्याटिङ र बलिङ १२-१२ ओभर पाउनेछन्।
प्रत्येक हाफमा हुने १८ ओभरमा मध्ये ६-६ ओभर तीन टिमले ब्याटिङ वा बलिङ मध्ये एक गर्नेछन्।
एक बलरले एक इनिङ बढीमा ३ ओभर बलिङ गर्न र एक टिमले ७ विकेट गुमाएपछि अन्तिम ब्याट्सम्यान बाँकी रहनेछ। सबैभन्दा धेरै रन बनाउने टिम विजेता हुनेछ।
टिम र खेलाडीहरू
